Liridon Mulaj shënoi dy gola për Lausanne Ouchyn të dielën mbrëma në xhiron e 13-të të Superligës së Zvicrës.
Ai realizoi me asistimet e Mërgim Qarrit dhe Alban Ajdinit.
Megjithatë, ato nuk ishin të mjaftueshme që skuadra e tij ta shmangë disfatën, pasi në shtëpi u mposht 5:2 nga St. Galleni.
Te mysafirët u dalluan Bastian Toma dhe Albin Krasniqi.
Toma asistoi në golin për 2:2.
Për 4:2 autogol shënoi Lavdrim Hajrullahu, kurse Toma asistoi edhe për Krasniqin që shënoi në minutën e 85-të për rezultatin 5:2.
Në këtë ndeshje te vendësit luajti edhe Alban Jadini, kurse Valon Hamdiu ishte në bankën rezervë.
Te mysafirët ndeshjen e kompletoi Albert Vallçi, ndërsa minuta pati edhe për Betim Fazlijin.
Lausanne Ouchy mbetet me 10 pikë në 12 ndeshje. St. Galleni ka 24 pikë në 13 ndeshje të luajtura.