Dy futbollistë shqiptarë janë kujdesur për fitoren 1:0 të Odenses ndaj Horsensit, të hënën në elitën e Danimarkës.
Në minutën e 84-të, Bashkim Kadrii ka shënuar golin e vetëm në ndeshje. Ai realizoi me asistim të Agon Muçollit.
Për 31-vjeçarin Kadrii, ishte goli i dytë këtë edicion në gjashtë paraqitje.
Për Muçollin 23-vjeçar, ishte asistimi i parë.
Të dy u aktivizuan si zëvendësues.
Për Odensen është fitorja e parë. Renditet e parafundit me katër pikë nga gjashtë ndeshje.
