Victor Moses është larguar nga Chelsea për të luajtur për një sezon te Spartaku i Moskës, ka konfirmuar klubi londinez të enjten.
29-vjeçari ka pasur telashe që të gjejë vend në ekipin e parë të “Bluve” sezoneve të fundit, duke kaluar kohën kryesisht si i huazuar.
Mesfushori i ishte bashkuar Chelseat në vitin 2012 nga Wigani.
Kohën më të mirë te Chelsea e kaloi nën urdhrat e Antonio Contes në periudhën 2016-2018, duke luajtur rregullisht për të fituar Premier Ligën.
Me ardhjen e Maurizio Sarrit ai pësoi rënie në formë dhe u huazua në janar të 2019-s te Fenerbahçe. Më pas iu bashkua Contes tek Interi.
