Sulmuesi spanjoll Alvaro Morata pritet të jetë pjesë e skuadrës së Juventusit edhe për sezonin e ardhshëm, ka shkruar “Tuttosport” të hënën.
Bëhet e ditur se Juventusi pothuajse ka arritur marrëveshje me Atletico Madridin për huazimin e Moratas edhe për një vit tjetër.
Në fakt, ishte trajneri i ri i Juventusi, Massimiliano Allegri që ka kërkuar vazhdimin e huazimit të Moratas, për të cilin ekipi italian do të paguajë dhjetë milionë euro.
Morata edicionin e shkuar ishte i huazuar te Juventusi dhe shënoi 20 gola e bëri 12 asistime në 44 paraqitje në të gjitha garat.
Morata 28-vjeçar ka kontratë me Atletico Madridin deri në vitin 2023.
Artikuj të ngjashëm