Sulmuesi Alvaro Morata pritet së shpejti ta rinovojë kontratën me Atletico Madridin për t’u dhënë fund spekulimeve për të ardhmen e tij. “AS” raporton të mërkurën se marrëveshja mes palëve pothuajse është arritur dhe do të bëhet zyrtare pas përfundimit të edicionit aktual.
Me rinovimin e kontratës që i skadon vitin e ardhshëm, Morata do të jetë pjesë e klubit spanjoll deri në vitin 2026.
Tek Atletico llogaritin në Moratan, i cili kohët e fundit është kërkuar nga Milani e Roma.
30-vjeçari verën e shkuar u rikthye te skuadra spanjolle pas huazimit dyvjeçar te Juventusi dhe këtë edicion ka realizuar 15 gola në 44 ndeshje të luajtura.
