Lufta e skuadrave të qytetit të Milanos për titullin e kampionit do të vazhdojë edhe në këtë vikend.
Milani dhe Interi mbeten dy skuadrat më së miri të renditura në tabelën e Serie A, por kush do të dalë fitues i titullit, ende nuk dihet.
Milani duhet të presë deri të dielën për ta vazhduar luftën për “Scudetto”, që u mungon “rossonerëve” prej vitit 2011.
Të dielën në orën 20:45, Milani luan në udhëtim te Verona.
Kampionatet e viteve 1973 dhe 1990 ishin penguar pikërisht nga Verona, që synon t’i bëjë sërish problem Milanit.
Milani shpreson në rikthimin e Alessandro Florenzit dhe Zlatan Ibrahimoviqit për këtë udhëtim.
Në sezonin e kaluar fitoi në udhëtim te kjo skuadër, ndërsa tani ka seri prej 13 ndeshjeve pa disfata në Serie A.
Edhe
Katër klube luftojnë për dy vende të Championsit në Itali
Vikendin e kaluar, Napoli dhe Juventusi bën hap drejt sigurimit të vendit që dërgon në Ligën e Kampionëve në sezonin tjetër, ndërsa tani luftojnë për vendin e tretë.
Napoli luan në udhëtim te Torino, të shtunën në orën 15:00.
Të mërkurën e javës së ardhshme, Juventusi dhe Interi luajnë në finale të Kupës së Italisë në stadiumin e Romës.
