Milani është duke kaluar në një formë të jashtëzakonshme në Serie A, dhe këtë e tregoi edhe në derbin e sotëm kundër Romës.
Rossonerët fituan përballjen e sotme në udhëtim me rezultat 0-2, raporton Koha.net.
Epërsinë Milanit ia dha i riu Cutrone duke shënuar në minutën e 48 pas asistimit nga Suso. Kurse golin e dytë e shënoi Calabria në minutën e 74 pas asistimit nga Kaliniqi.
Milani pas kësaj fitore ka 44 pikë në vendin e shtatë, përderisa Roma mban vendin e pestë me 50 pikë.
