Milani po ëndrron që të transferojë sulmuesin argjentinas Mauro Icardi nga rivali lokal Interi, njofton “Corriere dello Sport”, transmeton Koha.net.
Gazeta italiane shkruan se Milani mund të përfitojë nga acarimi i marrëdhënieve mes Interit e Juventusit dhe të transferojë Icardin. Juventusi vlerësohej favorit për transferimin e ylli argjentinas.
Icardi aktualisht është i huazuar te Paris Saint-Germaini, për të cilën skuadër ka shënuar 20 gola këtë stinor. Gjiganti francez ka opsionin për të transferuar atë për 70 milionë euro, mirëpo bëhet e ditur se nuk e ka ndërmend të shfrytëzojë këtë opsion.
Icardi 26-vjeçar shihet nga Milani si lideri për të cilin skuadra ka nevojë. Por, për transferimin e Icardit, Milani duhet të shesë disa lojtarë. Po ashtu Milani po interesohet edhe për sulmuesin polak të Napolit, Arkadiusz Milik.
