Pas Liverpoolit edhe skuadra e Milanit është futur në garë për transferimin e sulmuesit të krahut, brazilianit Raphinha.
Bëhet e ditur se Raphinha pritet të largohet nga Leeds Unitedi në janar dhe ekipi nga Serie A, është i gatshëm të bëjë ofertë për shërbimet e tij.
24-vjeçari ka kontratë me Leedsin deri në vitin 2024 dhe kartoni i tij vlerësohet mbi 30 milionë euro. Ai vitin e shkuar iu bashkua ekipit anglez nga Rennesi dhe këtë sezon ka shënuar pesë gola në dhjetë paraqitje në Premier League. Raphinha gjithashtu, muajin e shkuar debutoi me Përfaqësuesen e Brazilit dhe deri më tani, ka shënuar dy gola në pesë ndeshje.
