Barcelona dhe Lionel Messi janë ende në bisedime, por larg marrëveshjes për zgjatje të kontratës, ka konfirmuar të mërkurën mediumi “Goal”.
Marrëveshja e Messit në Camp Nou skadon në fund të qershorit, duke e bërë atë lojtar të lirë që nga 1 korriku.
Edhe pse Barça është optimiste për marrëveshjen me Messin, asnjë hap i madh për kontratën e re s’ka ndodhur.
Përpos diskutimeve zyrtare, “Goal” ka mësuar se Blaugrana ende s’ka bërë ndonjë ofertë në drejtim të Messit.
Presidenti i Barçës, Joan Laporta, dhe Jorge Messi, babai e agjenti i Messit, janë në dialog të vazhdueshëm për marrëveshjen e re.
Edhe
Laporta konfirmon bisedimet për Messin
Messi, në ndërkohë, është i fokusuar në Copa America, ku po garon me Argjentinën.
33-vjeçari s’e ka prioritet pagën. Ai ka kërkuar nga Barcelona që të sigurojë ekip garues në kërkim të titujve të mëdhenj.
