Mbrojtësi i Manchester Cityt, Benjamin Mendy, është akuzuar edhe për dy akuza të tjera për përdhunim dhe tani përballet me gjashtë akuza të tilla, tha policia të martën. Mendy është thirrur të paraqitet në Gjykatën e Magjistraturës së Stockportit të mërkurën, tha forca e policisë në qarkun verior anglez të Cheshiret.
Fituesi i Kupës së Botës me Përfaqësuesen e Francës, tashmë do të dalë në gjyq më 24 janar të vitit të ardhshëm pasi u akuzua në muajin gusht me katër akuza për përdhunim dhe një për sulm seksual.
Mendy, të cilit iu refuzua lirimi me kusht dhe ndodhet në burg, iu bashkua Cityt nga Monaco në vitin 2017 dhe ka fituar tre herë titullin e kampionit në Premier League dhe dy herë Kupën e Ligës angleze.
Artikuj të ngjashëm
