Mbrojtësi i Real Madridit, Marcelo, do të mungojë në pjesën e mbetur të edicionit në La Liga, pas lëndimit në kofshë.
Një komunikatë e Realit e lëshuar të premten ka konfirmuar lëndimin e brazilianit. Reali nuk ka njoftuar se sa do të mungojë Marcelo. Por mediat spanjolle kanë shkruar se ai do të mungojë tri javë.
Marcelo (32) do të mungojë në ndeshjet ndaj Alavesit, Granadas, Villarrealit dhe Leganesit. Ai pritet të kthehet për ndeshjet e Championsit, që fillojnë prej 7 gushtit.
Reali po e kërkon titullin e parë në Spanjë që nga viti 2017.
