Futbollisti kosovar, Loret Sadiku do të kthehet në futbollin suedez. Ai është fare pranë transferimit te Hammarby, skuadër ku luan Astrit Selmani, reprezentuesi i Kosovës.
Sipas “Sportbladet” kanë mbetur pak detaje deri te finalizimi i marrëveshjes. 30-vjeçari do të prezantohet nga Hammarby në ditët e ardhshme.
Sadiku gjatë karrierës ka luajtur në pozita të ndryshme të mesit të fushës. Por vlerësohet më së shumti për paraqitjen në pozitën e mesfushorit defanziv. Këtë pozitë do ta mbulojë te Hammarby.
Sadiku ishte zhvilluar te Varnamo e Helsngborgu. Prej vitit 2014 luan në Turqi. Fillimisht ishte te Mersini, ndërsa prej vitit 2016 është te Kasimpasha. Ai ka luajtur për Suedinë U21, ndërsa në vitet 2014 e 2015 u paraqit për Kosovën. Madje ishte prej lojtarëve më të mirë. Por pati telashe me dokumentacion dhe nuk mundi të luaj për Kosovën pas pranimit në FIFA.
