Lojtarët e klubit turk Istanbul Bashakshehir kanë braktisur fushën në ndeshjen e Grupit H të Ligës së Kampionëve në Paris kundër Paris Saint-Germainit sonte, pasi një anëtar i stafit është përjashtuar me karton të kuq, raporton Reuters.
Kartoni i kuq nxiti protesta nga klubi mysafir.
Ndihmës-trajneri Pierre Achille Webo u ndëshkua me të kuq në minutën e 16-të dhe lojtarët dhe stafi i Istanbul Bashakshehirit u larguan nga fusha pas afro 10 minuta diskutim me referin rumun Ovidiu Hategan. Është raportuar se gjyqtari i katërt ka përdorur fjalë raciste ndaj ndihmëstrajnerit Webo.
Me lojtarët e klubit turk janë solidarizuar edhe ata të PSG-së që po ashtu e kanë lëshuar fushën.
Në faqen e vet në Twitter, Bashakshehir, ka postuar slloganin e UEFA-s, "Jo Racizmit".
Edhe
Nisin hetimet për gjyqtarët e akuzuar për racizëm në ndeshjen PSG-Istanbul Bashakshehir
Lojtarët e Parisit kanë shprehur gatishmërinë të kthehen në fushë, por ata të Bashakshehirit nuk kanë dhënë përgjigje. Duhet pritur deri në ora 22:00.
PSG vs. Istanbul Basaksehir has been suspended as both teams walked off the field to protest alleged racial abuse by the fourth official toward Istanbul assistant manager Pierre Webo.
— Bleacher Report (@BleacherReport) December 8, 2020
(via @UCLonCBSSports) pic.twitter.com/tVd4lqGnMI
