Stanislav Lobotka ka nënshkruar kontratë re me Napolin.
Mediat në Itali shkruajnë se Lobotka do të jetë pjesë e Napolit deri në verën e vitit 2027, me mundësi të vazhdimit edhe për një vit tjetër.
27-vjeçarit i është rritur paga dhe tani do të fitojë tre milionë euro neto në sezon, plus bonuese. Po ashtu, Lobotka ka marr si shpërblim edhe dy milionë euro për nënshkrimin e kontratës së re.
Kontratën e re sllovaku e ka fituar pas paraqitjeve të mira që nga ardhja e trajnerit Luciano Spalleti. Këtë sezon Lobotka ka shënuar një gol dhe ka asistuar një herë në 20 ndeshje.
