Liverpooli do të nisë bisedimet me Roberto Firminon për vazhdimin e kontratës.
Sulmuesi brazilian është në vitin e fundit të kontratës me ekipin anglez dhe është përfolur se mund të shitet gjatë kësaj vere.
Firmino sezonin e shkuar nuk ka pasur hapësira të mjaftueshme në formacionin bazë të trajnerit Jurgen Klopp.
Por përkundër kësaj, është trajneri gjerman që ka kërkuar nga drejtuesit e klubit t’ia vazhdojnë kontratën brazilianit.
Liverpooli thuhet se do t’i ofrojë Firminos kontratë dyvjeçare, që do ta mbante atë në “Anfield” deri në vitin 2025.
Firmino është pjesë e Liverpoolit që nga viti 2015, kur u transferua nga Hoffenheimi.
