Ekipi i futsallit nga Gjakova, Liburni është përforcuar me dy lojtarë nga Kolumbia, Wilson Hilarion dhe Julián Porras. Kolumbianët do të jenë pjesë e Liburnit për pjesën e mbetur të kampionatit dhe fazën e plejofit kurse së fundi kanë luajtur në elitën e futsallit të Kolumbisë për ekipet Cholas dhe Porritas.
“Zbarkojnë në Gjakovë dy super përforcimet nga Bogota kryeqyteti i Kolombisë. Këta dy talentë te rinj do të jenë një përforcim për pjesen e mbetur te kampionatit te rregullt dhe pjesen kryesore të kampionatit, plejof”, thuhet ndër të tjera në njoftimin e Liburnit. Hilarion dhe Porras nuk janë kolumbianët e vetëm në futsallin e Kosovës pasi edhe ekipi nga Drenasi, Liqeni që ka fituar kupën e Kosovës ka në radhët e veta tre reprezentues të Kolumbisë. Ndërkohë, dy ekipet tjera nga kryeqyteti, Mabetex Prishtina dhe Prishtina 01, kanë të angazhuar lojtarë nga Brazili.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo