Granit Xhaka ka shkëlqyer sërish me Bayer Leverkusenin. Leverkuseni fitoi në udhëtim te Qarabagu në të enjten mbrëma në kuadër të Grupit H të Ligës së Evropës dhe e ka siguruar fazën nokaut.
Leverkuseni hasi në vështirësi në këtë ballafaqim dhe golin e pikëve të plota e shënoi në minutën e katërt të kohës shtesë. Sulmuesi Victor Boniface shënoi nga penalltia për fitoren e madhe që e kualifikon skuadrën gjermane tutje me 12 pikë nga vendi i parë.
Qarabagu mbetet me gjashtë pikë.
Xhaka e kompletoi ndeshjen te mysafirët kurse Redon Xhixha ishte në bankën rezervë te vendasit.
Për kapitenin e Zvicrës ishte fitorja e 15-të në 16-të ndeshje garuese me Leverkusenin në të gjitha garat. E ka edhe një barazim.
Artikuj të ngjashëm
