Tjetër fitore të thellë ka shënuar Granit Xhaka me Leverkusenin.
Të enjten mbrëma, Leverkuseni mposhti në shtëpi Qarabagun, 5:1.
Ndeshja i ka takuar Grupit H të Ligës së Evropës.
Florian Wirtz në minutën e pestë shënoi për epërsinë e vendësve.
Nga penalltia për skuadrën nga Azerbajxhani realizoi Toral Bayramov.
Por, gjermanët realizuan edhe katër gola tjetër më pas për fitoren e tretë në grup.
Alejandro Grimaldo në minutën e 29-të dhe Victor Boniface në minutën e 35-të, realizuan për 3:1 në pjesën e parë.
Grimaldo shënoi edhe një herë tjetër në minutën e 55-të, kurse Edmond Tapsoba, e vulosi fitoren e thellë të Leverkusenit.
Xhaka luajti deri në minutën e 63-të.
Te mysafirët nga minuta e 71-të, u inkuadrua Redon Xhixha.
Leverkuseni është i pari në Grupin H me nëntë pikë.
Gjashtë pikë ka Qarabagu, kurse Molde ka tri pikë. I fundit është Hackeni suedez, pa pikë.