Transferimi i Kylian Mbappes te Real Madridi vazhdon të jetë i komplikuar.
Kështu ka raportuar të enjten mbrëma gazeta franceze “Le Parisien”, që thotë se sulmuesi tashmë është pajtuar që ta vazhdojë kontratën edhe për dy vjet tjera me PSG-në.
Kontrata aktuale e Mbappes skadon më 30 qershor.
Është raportuar shumë shpesh se ai në verë do t’u bashkohet madrilenëve, por gjithçka pritet të bëhet zyrtare në javët e ardhshme.
23-vjeçari Mbappe ka shënuar 35 gola dhe ka kontribuuar me 23 asistime në 43 ndeshje të luajtura në të gjitha garat në këtë edicion.
