Sulmuesi kosovar Altin Zeqiri ka shënuar dy gola në elitën e futbollit finlandez “Veikkausliiga”.
Të dielën në kuadër të xhiros së 27-të, 21-vjeçari realizoi dy herë për Lahtin që udhëhiqet nga Ilir Zeneli, por që ky ekip në fund u mposht nga Honka vizitore 3:2.
Zeqiri 21-vjeçar shënoi në minutën e 48-të për golin e parë, ndërsa golin e dytë personal në ndeshje e realizoi në minutën e 54-rt.
Zeqiri ka shkuar në kuotën e shtatë golave të realizuar sivjet.
Në Finlandë, Lahti është duke bërë gara për të mbetur në ligë. Aktualisht pozicionohet në vendin e shtatë me 40 pikë.
