Ermal Krasniqi me CFR Clujin e ka fituar derbin e qytetit kundër skuadrës Universitatea Cluj, ndërsa futbollisti i Kosovës asistoi në njërin prej golave në fitoren e thellë.
Cluji i Krasniqit të enjten mbrëma fitoi me rezultatin 4:0, në ndeshjen e xhiros së 21-të.
25-vjeçari Krasniqi luajti në krahun e djathtë të mesfushës deri në minutën e tretë të kohës shtesë, kurse asistoi në golin për 3:0 në minutën e 77-të.
Ai pasoi për mrekulli për sulmuesin nigerian Philip Otele, që shënoi dy gola në këtë përballje. Ishte asistimi i parë i Krasniqit në elitën rumune që prej 21 gushtit.
Edhe në atë ndeshje përballë kishte kundërshtarin e njëjtë, ndërsa fitoi 4:3.
Krasniqi nuk ka shënuar gol në Kupën apo kampionatin e Rumanisë që prej 6 prillit të këtij viti.
Cluji i Krasniqit ka 36 pikë në pozitën e dytë, tetë më pak se Steau Bukureshti lider.