Mbrojtësi Kalidou Koulibaly ende nuk po stërvitet rregullisht me Napolin dhe ka gjasa të mungojë në dy ndeshjet e radhës kundër Brescias e Barcelonës, bën të ditur “Sky Sport Italia” të mërkurën.
Reprezentuesi i Senegalit ka marrë një lëndim të kofshës më 15 dhjetor, ndërsa është kthyer më 9 shkurt në ndeshje ndaj Lecces. Mirëpo, ai nuk ishte në formën më të mirë fizike dhe u la jashtë skuadrës për ndeshjen ndaj Cagliarit. Trajneri i Napolit, Gennaro Gattuso konfirmoi se mbrojtësi ndjeu dhembje në kofshën e tij.
Koulibaly nuk ka stërvitur sot dhe nuk pritet të stërvitet as të enjten. Ai do të mungojë në ndeshjen e Serie A ndaj Brescias të premten dhe duket se do të mungojë edhe ndaj Barcelonës javën e ardhshme në ndeshjen e parë të 1/8 së finales të Ligës së Kampionëve.