Federata e Shahut e Kosovës (FSHK) mburret që ka një mjeshtër ndërkombëtar të shahut - Bedri Sadiku. Me këtë mburret edhe vetë Sadiku. Por Sadikut, 64-vjeçar, i vjen keq që Kosova Ditën Botërore të Shahut (20 korrikun) e shënon me vetëm një mjeshtër ndërkombëtar, titull që e fitoi në vitin 1983, shkruan sot Koha Ditore.
"Nuk është dashur të jem i vetmi, edhe pse mburrem që jam i vetmi", thotë Sadiku.
Sadiku nuk ka besuar se do të shkojnë 34 vjet dhe Kosova të mos ketë ndonjë mjeshtër tjetër ndërkombëtar.
"Kam dëshirë të ma kalojnë, sidomos shahistët nga gjeneratat e reja dhe më vjen keq që kemi ardhur deri në këtë ditë", ka shtuar Sadiku.
Ai nuk i di arsyet pse ndonjë shahist tjetër i Kosovës nuk ka arritur ta fitojë këtë titull deri tash. Por, është i bindur se Kosova do t'i ketë disa mjeshtër ndërkombëtarë të shahut shumë shpejt.
Edhe
Shahisti Saraçi ndihet krenar që përfaqëson Kosovën për herë të parë në Botëror
(Artikullin e plotë mund ta lexoni në numrin e sotëm të Kohës Ditore)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.
