Përfaqësuesja e Kosovës në futboll ka përparuara për katër vende në renditjen e re të FIFA-s që është publikuar të enjten.
Kosova nga pozita e 105-të është ngjitur për në pozitën e 101-të me 1202.77 pikë.
Është pozita më e mirë që ka pasur Kosova ndonjëherë që nga pranimi në UEFA e FIFA.
Shqipëria ndërkohë ka pësuar rënie, pavarësisht kualifikimit në Evropian. Ka rënë nga pozita e 59-të në atë të 62-të. Por në dy ndeshjet e nëntorit, Shqipëria barazoi. Fillimisht, 1:1 ndaj Moldavisë e më pas barazoi 0:0 ndaj Ishujve Farore.
Kampioni i botës, Argjentina, vazhdon të mbetet në vendin e parë. Franca është e dyta, ndjekur nga Anglia, Belgjika e Brazili.
