Bordi i Komitetit Olimpik të Kosovës (KOK) ka marrë vendim të mbështesë me nga 700 euro Federatat olimpike dhe nga 500 euro ato jo-olimpike si ndihmë pas vështirësive të krijuara nga pandemia COVID-19.
“Shuma e ndarë për federatat është rreth 23 mijë euro, të cilat do të ndahen nga 700 Euro për Federatat Olimpike dhe 500 për Federatat jo-olimpike të Kosovës.
Për federatat olimpike, KOK ka fituar fonde nga Asociacioni i Komiteteve Olimpike Kombëtare (ANOC), Komiteti Olimpik i Evropës (KOE) dhe Komiteti Olimpik Ndërkombëtar (KON). Për të mos anashkaluar Federatat Jo-Olimpike, Bordi Ekzekutiv i KOK-ut ka vendosur që këto federata të mbështeten nga të hyrat e sponsorëve të KOK-ut”, shkruan në njoftimin e KOK-ut.
KOK-u ka hequr shpenzimet e përgatitjeve në këtë kohë pandemie edhe për sportistët elitarë të xhudos, boksit, mundjes dhe notit.
-
Raporti financiar i KOK-ut: Më pak buxhet, më shumë shpenzime për paga
-
KOK-u me të hyra prej 2.1 milionë eurosh, mbi 100 mijë euro i kushtuan “mëditjet për udhëtime zyrtare”
-
Caktohet vlera e koeficientit, MKRS-ja thotë se përkrahja për federata është rritur për 53 për qind
-
Mbështeten me nga 150 euro në muaj 32 “shpresa olimpike”
-
Më shumë para për sportistët elitarë të Kosovës