Ronald Koeman do të rikthehet në krye të Përfaqësueses së Holandës pas Kampionatit Botëror “Katari 2022”. Këtë e ka konfirmuar të mërkurën edhe Federata e Futbollit të Holandës.
Koeman te Holanda do ta zëvendësojë Louis van Gaalit, i cili ka thënë se nuk do ta vazhdojë punën e tij pas përfundimit të Botërorit në Katar. Kjo i ka mundësuar federatës që ta sjellë Koemanin, i cili u largua nga Holanda para dy vjetësh për ta marrë drejtimin e Barcelonës, ekip i cili e shkarkoi në muajin tetor të vitit të shkuar.
“Qysh në mandatin e tij të parë si trajner, Koeman pati rezultate të mira dhe të gjithë ishin të lumtur me punën e tij”, ka thënë drejtoresha e federatës holandeze Marianne van Leeuwen.
Detajet e marrëveshjes me Koemanin nuk janë bërë të ditura. Vetë Koeman ka thënë se është shumë i kënaqur që po rikthehet te Holanda.
“Është moment i duhur. Rezultatet ishin të mira dhe unë kam raporte të mira me lojtarët. Është e qartë se do ta vazhdojë punën ku e kam lënë”, tha Koeman.
