Transferimi i Antonio Rudigerit te Chelsea dukej punë e kryer, por një gjë e tillë mund edhe të mos ndodhë, pasi në garë për të ka hyrë edhe Manchester City i Pep Guardiolas.
Raportohej se Chelsea ka arritur marrëveshje me Romën për 33 milionë euro plus 5 bonuse, dhe gjermani duhej t’iu nënshtrohej testeve mjekësore të martën ose të mërkurën, por Sunday Mirror dhe Daily Star raportojnë se City ka bërë ofertë për të, transmeton Koha.net.
Vëllai i Rudigerit ende nuk ka nënshkruar marrëveshjen me Chelsean për kushtet personale të lojtarit, dhe tashmë gjërat mund të ndryshojnë, jo në favor të kampionit anglez.
