Italia do të jetë gjigantja më e madhe e futbollit që mungon në dy Kupa të Botës rresht, por nuk është e vetmja kampione e Evropës që nuk arrin të kualifikohet në Botëror.
“Azzurrët” u mposhtën 1:0 në plejofin për kualifikim në Botëror nga Maqedonia e Veriut të enjten mbrëma.
Tani, Italia luan në miqësore kundër Turqisë.
Më herët, Italia kishte munguar në Botërorin e vitit 1958 dhe në vitin 2018, por mungesa në dy botërore rresht, nuk është e zakonshme për këtë shtet.
Më herët në dy botërore rresht kishin munguar edhe Franca, në vitet 1970-1974 dhe 1990-1994.
Edhe
Italia për herë të dytë rresht jashtë Botërorit
Spanja dështoi në vitet 1954-1958 dhe 1970-1974.
Anglia e fitoi Botërorin në vitin 1966, por dështoi të kualifikohej në Kupën e Botës 1974 dhe 1978.
Italia nuk është kampionia e vetme e Evropës që dështon të kualifikohet në Kupën e Botës pas triumfit.
Çekosllovakia nuk u kualifikua në Kupën e Botës 1974, e fitoi Evropianin 1976, dhe nuk ishte pjesëmarrëse në vitin 1978.
Edhe
FIFA paraqet dhjetë përfaqësueset që synojnë të kthehen në skenën më të madhe
Danimarka nuk luajti në Botërorin e vitit 1990, triumfoi në “Euro 1992” dhe nuk shkoi në Kupën e Botës “SHBA 1994”.
Greqia po ashtu triumfoi në Evropianin e vitit 2004, por dështoi të kualifikohej në kampanjat e Botërorit 2002 dhe 2006.
