Fshehja e moshës së vërtetë është problem i njohur në ligat afrikane të futbollit.
Dhe Federata e Futbollit të Kamerunit është duke u munduar ta luftojë këtë dukuri.
Të martën, mediumi gjerman “Bild” ka shkruar se Federata kamerunase ka dënuar 62 futbollistë pas hetimit të bërë, ndërsa lista është publikuar gjatë vikendit.
Sipas “Bild”, Wilfried Nathan Douala, 17-vjeçar, zyrtarisht të paktën, ishte lojtari më i ri. Futbollisti i Victoria United, i cili ishte në përfaqësuese në janar për Kupën e Afrikës, është larguar nga plejofi i Ligës Profesionale të Kamerunit.
Në vitin 2022 ishin dënuar 44 futbollistë ndërsa 21 të tjerë ishin dënuar në vitin 2023, për shkak të mashtrimit me moshë.
Mashtrimi me moshë bëhet në mënyrë që lojtarët të jenë në fokus të skautëve të futbollit evropian.
