Rodrigo Bentancur nuk largohet nga Juventusi. Ekipi italian ka kthyer prapa ofertën e Aston Villas për mesfushorin. Sipas “Sky Sport Italia”, drejtuesit e klubit italian nuk kanë arritur të gjejnë marrëveshjen me ekipin anglez.
Krerët e Juventusit thuhet se nuk janë të kënaqur me ofertën e ofruar nga Aston Villa. Edhe trajneri Massimilano Allegri thuhet se ua ka bërë me dije krerëve të klubit se në rast të shitjes së Bentancurit duhet të sjellin zëvendësuesin e uruguaianit.
Aston Villa e ka kërkuar në formë huazimi më të drejtë blerjeje, ofertë që nuk është pranuar nga “Zonja e Vjetër”.