Juventusi është në kërkim të një futbollisti që do të mund ta zëvendësonte Federico Chiesan, i cili është lënduar dhe do të mungojë për pjesën e mbetur të sezonit.
“Gianluca Di Marzio” shkruan se Juventusi po synon të arrijë marrëveshje me Barcelonën për huazimin e Mempis Depayt.
Bëhet e ditur se Barça është e hapur për të negociuar shitjen e Depayt.
Klubi nga Katalonja konsideron se vendin e tij mund ta mbulojnë Ferran Torresi dhe Ansu Fati. Ky i fundit pritet të rikthehet në fushë nga lëndimi.
Sulmuesi Depay iu bashkua Barcelonës si lojtar i lirë në verën e vitit të kaluar, pasi i kishte skaduar kontrata me Lyonin.
Holandezi ka kontratë me Barçën deri në vitin 2023. Këtë sezon ka shënuar tetë gola dhe ka bërë edhe dy asistime në 22 paraqitje.
Artikuj të ngjashëm