Juventusi po synon të përforcojë ekipin gjatë afatit kalimtar të verës.
Trajneri Masimiliano Allegri ka kërkuar nga drejtuesit e klubit të bëjë një skuadër konkurruese për të luftuar për trofe për sezonin e ri.
Së fundmi, sipas “Calciomercato”, klubi italian ka shprehur interesim për sulmuesin e krahut, brazilianin Antony që po shihet si përforcim ideal për “Zonjën e Vjetër”.
Juventusi do të nisë negociatat me krerët e Ajaxit për të parë situatën e brazilianit.
Antony ka kontratë me Ajaxin deri në vitin 2025.
22-vjeçari këtë edicion ka shënuar 12 gola dhe ka bërë 10 asistime në të gjitha garat.
