Juventusi ka nisur me fitore sezonin e ri të Ligës së Kampionëve.
Kampioni italian fitoi 0 me 2 si mysafir i Valencias, edhe pse për më shumë se një orë luajti pa superyllin Cristiano Ronaldo. Portugezi u ndëshkua me të kuq pas një sjelljeje të pahijshme në minutën e 29-të.
Të dy golat e Juves u shënuan nga Miralem Pjaniqi nga penaltia. Ai shënoi në minutën e 45-të dhe të 51-të.
Në Grupin H Juve prin bashkë me Manchester Unitedin me nga tri pikë, ndërsa Young Boys dhe Valencia janë pa pikë.
