Skuadra e Juventusit i ka bërë Interit ofertë zyrtare për sulmuesin argjentinas Mauro Icardi, përcjellë e përditshmja "Gazzetta dello Sport".
Mësohet se drejtori i përgjithshëm i Juventusit, Fabio Paratrici është takuar me drejtuesit e Interit, të cilëve u ka bërë ofertën për Icardin, transmeton Koha Ditore.
Juventusi i ka ofruar Interit 60 milionë euro dëmshpërblim për transferimin e Icardit në fund të këtij edicioni. Ndërsa, sulmuesit 26-vjeçar, i ka bërë gati një pagë vjetore mbi tetë milionë euro.
Icardi pritet të largohet nga Interi pas përfundimit të këtij edicioni kurse kartoni i tij vlerësohet rreth 80 milionë euro. Ai këtë edicion ka shënuar 16 gola në 33 ndeshje në të gjitha garat kurse me Interin ka kontratë deri në vitin 2021.
Artikuj të ngjashëm