Juventusi ka konfirmuar se Stefano Sturaro do të jetë jashtë fushave të gjelbra për shkak të dëmtimit abdominal dhe kështu do të mungojë në ndeshjen përballë Udineses.
Mesfushori u la jashtë skuadrës edhe në takimin e Kupës së Italisë, përballë Napolit, derisa u është nënshtruar edhe testeve mjekësore në qendrën stërvitore Vinovo, transmeton KTV.
“Testet mjekësore tregojnë se Stefano Sturaro vuan nga një lëndim muskulor në pjesën qendrore të abdomenit. Për lojtarin do të ketë monitorim në vazhdim dhe do të ketë teste mjekësore poashtu në javën tjetër”, thuhet në njoftimin e “Bianconerëve”, që nuk tregojnë se për sa kohë do të mungojë mesfushori italian.
