Juventusi ka arritur të fitojë derbin e xhiros së 37-të në Serie A, ndaj Interit me rezultatin 3:2.
Me këtë fitore “Zonja e Vjetër” mban hapin për një pozitë që siguron pjesëmarrjen në Champions League sezonin e ri.
Pjesa e parë u karakterizua me raste të shumta nga të dyja ekipet ku u shënuan edhe tre gola.
Të parët në epërsi kaluan vendasit me Cristiano Ronaldon nga pika e bardhë. Portieri Samir Handanoviq arriti të ndalë goditjen e Ronaldos por nga topi i kthyer portugezi dërgoi topin në rrjet për 1:0.
Interi arriti të barazoi rezultatin në minutën e 35-të me Romelu Lukaku nga pika e bardhë për 1:1.
Por në minutat shtesë të pjesës së parë Juan Cuardado shënoi një gol të bukur për 2:1.
Edhe pjesa e dytë ishte e ngjashme me të dyja ekipet që kishin raste të mira shënimi.
Në minutën e 55-të Juventusi mbeti me një lojtarë më pak në fushë pas ndëshkimit me karton të kuq të Rodrigo Bentacurit.
Në minutën e 85-të Interi arriti të barazoi rezultatin në 2:2 me Giorgio Chiellini.
Por deri në fund vendasit nuk u dorëzuan dhe shënuan edhe një herë.
Në minutën e 88-të vendasit fituan penallti duke realizuar përmes Cuadrados dhe duke marrë tre pikë shumë të rëndësishme.
