Skuadra e Interit ka nisur bisedimet me Lautaro Martinezin për vazhdimin e kontratës.
Sulmuesi argjentinas që po kalon në një formë të shkëlqyer këtë edicion do të shpërblehet me kontratë të re.
Sipas “Tuttsportit”, drejtuesit e klubit italian i kanë ofruar Lautaros pagë prej 4.5 milionë eurosh në vit plus bonuse, për të mbetur te Interi.
Drejtuesit e klubit zikaltër gjithashtu janë duke finalizuar detajet e marrëveshjes ku do të largohet edhe klauzola prej 111 milionë eurove që ka sulmuesi.
23-vjeçari këtë edicion në të gjitha garat për Interin ka shënuar 13 gola dhe shtatë asistime.
