Sipas “La Repubblicas”, sulmuesi Mauro Icardi është duke përgatitur veprime ligjore për të përfunduar kontratën me Interin duke e akuzuar për mostrajtim të duhur në vendin e punës.
Sulmuesi është njoftuar se nuk është në planet e klubit për të ardhmen dhe trajneri Antonio Conte nuk e do në kampion parasezonal.
Ai po refuzon të transferohet diku tjetër dhe po insiston të mbesë tek Interi ose të paktën të kalojë te Juventusi.
Tani sipas kësaj gazete, Icardi dhe bashkëshortja e tij Wanda Nara, që është edhe agjentja e lojtarit, po përgatisin një padi ndaj klubit. Ai mund ta padisë Interin për “detyrim të punojë përmes kërcënimit apo izolimit”.
Ky s’do të ishte rasti i parë i një padie të tillë në Itali. Në të kaluarën Goran Pandev kishte paditur Lazion për përfundim të hershëm të kontratës.
Edhe
Icardi po kërkon të largohet nga Interi
Përfundimi i mëhershëm i kontratës do ta linte Icardin lojtar të lirë edhe pse kontrata e tij aktuale skadon më 2021.
Të gjitha problemet mes klubit e Icardit nisën pasi iu hoq shiriti i kapitenit për arsye që s’janë bërë publike dhe në këtë ai besohet se do të bazohet në rastin e tij.
