Zlatan Ibrahimoviq dhe Franck Kessie po punojnë për të qenë gati për t’iu kthyer Milanit për ndeshjen kundër Lazios, njofton “Sky Sport Italia” të martën.
Dyshja e Milanit pritet të luajnë ndeshjen e tyre të parë për edicionin 2021/2022 kundër Lazios pas ndeshjeve që përfaqësueset po i luajnë në kuadër të kualifikimeve për botërorin “Katari 2022”.
Të dy futbollistët munguan në dy ndeshjet e para të këtij edicioni që Milani i zhvilloi kundër Sampdorias dhe Cagliarit, por Ibrahimoviq është kthyer në stërvitje pas lëndimit në gju, ndërsa Kessia pas një probleme muskulor gjatë përgatitjeve për sezonin e ri.
Oliver Giroud do të mungoj ende për shkak të koronavirusit, por boshllëkun e tij në sulm pritet ta mbuloj ndaj Lazios sulmuesi suedez. Është edhe dëshirë e vet Ibrahimoviqit të kthehet këtë fundjavë.
