Zlatan Ibrahimoviq dhe Paul Pogba kanë bërë shaka pas triumfit të Manchester Unitedit në finalen e EFL Cup ndaj Southamptonit.
Ibrahimoviq shënoi dy gola në fitoren 3 me 2 ndaj Sotonit duke dëshmuar superformën e tij, me golin e 25 dhe të 26 në sezon.
Suedezi iu bashkua Unitedit gjatë verës si lojtar i lirë, ndërsa kthimi i Pogbas i kushtoi “Djajve të Kuq” rreth 105 milionë euro, shifër rekorde.
Pas ndeshjes, lojtarët dhanë intervistë për SkySports dhe Pogba vlerëson lartë transferimin e Ibrës duke thënë “Për këtë arsye e kemi blerë”, ndërsa Ibrahimoviqi reagon menjëherë.
“Më blenë?! Unë erdha si lojtar i lirë. Të blenë ty, unë erdha si i lirë!”, ishte përgjigja e suedezit.
