Malisheva e ka shënuar edhe fitoren e katërt rresht në Superligën e Kosovës në futboll.
Tjetër kontribut të madh në fitoren e malishevasve dha sulmuesi Drilon Hazrollaj.
Hazrollaj shënoi “hat-trick” në fitoren 3:2 të Malishevës në udhëtim te Gjilani.
Ndeshja i ka takuar xhiros së 23-të të Superligës, ndërsa u zhvillua në terrenin me bar sintetik në Gjilan.
Senad Jaroviq e shënoi golin e parë për Gjilanin në minutën e nëntë.
Edhe
Malisheva mposht Gjilanin dhe del në vendin e parë
Hazrollaj më pas në minutën e 19-të dhe të 40-të nga penalltia, e kaloi Malishevën në epërsi.
Kushtrim Shabani realizoi në minutën e 75-të për 2:2.
Pikët e plota, Malisheva i siguroi me golin e minutës së 86-të, të shënuar nga Hazrollaj që tani ka 15-të gola të realizuar në elitën e futbollit kosovar.
Malisheva në stinorin pranveror ka katër fitore e një disfatë.
Ndërkohë, Gjilani e pësoi disfatën e parë pas katër barazimeve të njëpasnjëshme në ligë, ndërsa është eliminuar edhe nga Kupa.
Malisheva me këtë fitore ka 41 pikë në vendin e katërt, dy më pak se Drita e vendit të tretë dhe shtatë më pak se lideri Ballkani.
Edhe
Malisheva forcohet në pozitën që siguron Evropën
Gjilani mbetet me 22 pikë në vendin e tetë.
Gjilani luan në udhëtim te Llapi në xhiron e 24-t, kurse Malisheva udhëton në Suharekë te Ballkani.
