Kampioni i Formula 1, Lewis Hamilton, do të garojë në garën e fundit të këtij edicioni, që do të mbahet në Abu Dhabi në fundjavë.
Formula 1 ka njoftuar se kampioni i shtatëfishtë i F1, Hamilton, do të garojë pasi ka rezultuar negativ në dy teste për COVID-19 së fundi, dhe ka kompletuar karantinën dhjetëditore në Bahrejn.
Hamilton para disa ditëve kishte njoftuar se ka rezultuar pozitiv me koronavirus dhe humbi garën e fundit shkaku i kësaj.
Hamilton e ka siguruar titullin e kampionit më herët. Ai kryeson renditjen me 332 pikë, 127 më tepër se kolegu i tij te Mercedesi, Valtteri Bottas.
Mercedesi po ashtu më herët e ka siguruar titullin te konstruktorët.
