Guinea Ekuatoriale është përfaqësuesja e fundit që e ka siguruar kualifikimin në çerekfinale të Kupës së Afrikës.
Në ndeshjen e luajtur të mërkurën mbrëma, Guinea e ka mposhtur Malin pas gjuajtjes së penalltive me rezultatin 6:5.
Koha e rregullt dhe vazhdimet dy herë nga 15 minuta u mbyllen 0:0.
Të saktë te Guinea Ekuatoriale ishin Ruben Belima, Carlos Akapo, Jannick Buyla, Saul Coco, Iban Salvador dhe Santiago Eneme. Ndërkaq dështuan nga pika e bardhë Emilio Nsue dhe Pablo Ganet.
Te Mali të saktë nga penalltia ishin, Adama Traore, Moussa Djenepo, El Bilal Toure, Aliou Dieng, Mohamed Camara.
Ndërkaq, nuk ia dolën që të shënojnë Massadio Haidara, Hamari Traore dhe i fundit Falaye Sacko, të cilit goditjen ia ndali portieri Jesus Owono.
Në çerekfinale, Mali do të përballet me Senegalin.
