Trajneri i Manchester Cityt, Pep Guardiola thotë se Oleksandr Zinchenko ka mbështetjen e plotë nga i gjithë klubi anglez.
Guardiola ka pranuar se lojtari i tij është i shqetësuar për situatën në vendin e ti, Ukrainë pas sulmit të Rusisë.
“Zinchenko është i shqetësuar. Ai ka familje dhe miq. Nëse ata po vrasin njerëz të pafajshëm në vendin tuaj, si do të ndiheshit? Zinchenko është tepër i fortë, një djalë vërtet brilant. Sigurisht që nuk është e lehtë, por sot dhe dje në stërvitje ai ishte i shkëlqyer. Ai është gati të luajë nëse duhet të luajë”, deklaroi Guardiola.
Zinchenko së fundmi i është bashkuar një proteste të organizuar në Britaninë e Madhe për të shprehur shqetësimet rreth luftës në Ukrainë.
