Stephen Curry ka qenë koshashënuesi më i mirë në fitoren që Golden State Warriors e shënoi ndaj Los Angeles Lakersit në San Francisco.
Warriorsi që është kampion në fuqi i ligës NBA, fitoi me rezultatin 121:106, për t’i mbajtur gjallë shpresat për kualifikim në finalet e Konferencës së Perëndimit.
Curry shënoi 27 pikë në total, kurse rezultati i përgjithshëm në serinë gjysmëfinale mes këtyre dy skuadrave është 3:2 në të mirë të Lakersit.
Andrew Wiggins shtoi 25 pikë për Warriorsin, kurse Draymond Green e mbylli ndeshjen me 20 pikë.
Lakersi e ka një tjetër mundësi për të kaluar tutje në këtë konferencë të premten.
Megjithatë, Lakersi mund të jetë pa qendrën Anthony Davis, që pa dashje u qëllua në kokë nga Kevon Looney dhe u largua nga palestra.
LeBron James shënoi 25 pikë për Lakersin, por që nuk mjaftuan për ta shmangur disfatën.
Edhe
Golden State Warriors barazon serinë gjysmëfinale
Në gjysmëfinalen tjetër të Konferencës së Lindjes, New York Knicks fitoi 112:103 ndaj Miami Heatit dhe nuk lejoi eliminimin në “Madison Square Garden”.
Njësoj si Golden State, edhe New Yorku është duke humbur 3:2 në serinë gjysmëfinale.
Jalen Brunson shënoi 38 pikë.
