Gjokoviq për “Corriere della Sera”: Dua të kthehem në Kosovë

Tenisti numër një në botë, serbi Novak Gjokoviq, në një intervistë për “Corriere della Sera” ka thënë se do të donte të kthehej në Kosovë.

Babai i Gjokoviqit, është i lindur në Mitrovicë.

Novan Gjokoviq ka thënë se do të dëshironte që në Kosovë të pagëzonte dy fëmijët e tij. Ai madje provokoi duke thënë se "Kosova është zemra e qendra e kulturës, identitetit, traditës e fesë së Serbisë".

“Dua të kthehem në Kosovë, me gruan time Jelenan, për t'i pagëzuar fëmijët tanë, Stefanin tash 8-vjeçar dhe Tarën 5-vjeçare. E di që tema është shumë e ndjeshme. Konflikti është ende aty, jo me armë për momentin, por ndihet tensioni. Nuk dua të përfshihem në politikë, por për çdo serb, Kosova është zemra, është qendra e kulturës, e identitetit tonë, e traditës, e fesë sonë”, tha Gjokoviq në intervistë për “Corriere della Sera”.

Spanjolli Rafael Nadal e serbi Novak Gjokoviq mbajnë rekordin për më së shumti Grand Slame të fituara në konkurrencën e meshkujve në tenis. Ata kanë nga 22 tituj në Grand Slame.