Gjilani prezanton portierin Koliçi

Skuadra e Gjilanit e ka zëvendësuar menjhërë portierin e larguar, Kenan Haxhihamza.

Bëhet fjalë për portierin Enea Koliçi, që ka nënshkruar kontratë me nënkampionin e Kosovës në futboll, për dy vjet. Karrierën si portier, Koliçi, e nisi në Iraklis në Greqi, derisa në këtë shtet ka luajtur edhe për Olympiacos Volos, kurse në Shqipëri, ka mbrojtur ngjyrat e Flamurtarit, Kukësit e Skëndërbeut të Korçës, transmeton KOHA.

Prezantimi i futbollistit të ri të skuadrës gjilanase në fanellën e Gjilanit, do të bëhet gjatë ditëve në vijim, është bërë e ditur në faqen zyrtare në “facebook” të nënkampionit.