Gjermania i është bashkuar Anglisë në çerekfinale të Kampionatit Evropian për futbolliste.
Biletën për në çerekfinale, Gjermania e nxori të martën mbrëma, me fitoren 2:0 ndaj Spanjës. Ndeshja është luajtur në Londër.
Gjermania udhëheq në Grupin B me gjashtë pikë. Spanja e Danimarka i kanë nga tri pikë, ndërsa Finlanda është pa pikë.
Klara Buehl dhe Alexandra Popp shënuan golat për Gjermaninë.
Ndërkohë Danimarka fitoi 1:0 ndaj Finlandës, që tashmë është e eliminuar.
Pas katër ditësh, Finlanda luan me Gjermaninë, ndërsa Danimarka me Spanjën. Kjo ndeshje do të vendosë për vendin e dytë në grupin B.
