Kampioni i dyfishtë i NBA-së dhe fituesi i tri medaljeve të arta olimpike, basketbollisti Pau Gol fitoi një zgjedhje të mërkurën në Lojërat Olimpike të Tokios, që do të thotë se ai do të përfaqësojë sportistët për shtatë vitet e ardhshme në Komitetin Olimpik Ndërkombëtar (IOC).
Gasol ishte njëri prej 30 kandidatëve që garuan në këto zgjedhje. Gasol mori 1888 vota prej 6800 votuesve, të cilit ishin sportistë për katër vende vakante në IOC. Votimi përfundoi të martën, kur Gasol i dha fund karrierës me Spanjën pas eliminimit të çerekfinale të Lojërave Olimpike.
Ylli 41-vjeçar i basketbollit spanjoll i bashkohet një liste anëtarësie në IOC, e cila vjen nga familje mbretërore evropiane dhe të Lindjes së Mesme, organe sportive ndërkombëtare, drejtues biznesi dhe 12 sportistë të zgjedhur nga bashkëmoshatarët e tyre.
Kolegët e tij të rinj përfshijnë Emirin e Katarit, vajzën e Mbretëreshës Elizabeth, Princeshën Anne, ish-presidentët e Kosta Rikës dhe Kroacisë, Laura Chinchilla dhe Kolinda Grabar-Kitaroviq dhe vrapuesin Sebastian Coe që ka dy të arta olimpike.
